كل منا امير فى عالمة تمتع بأحساسك كما تشاءولكن ضع مشاعر الاخرين فى الاعتبار
فهم ايضاً امراء لكن فى عوالم اخرى
بقلم
محبة للرومانسية
الثلاثاء، 24 مارس 2009
كن اميرعادل
كل منا امير فى عالمة تمتع بأحساسك كما تشاءولكن ضع مشاعر الاخرين فى الاعتبار
فهم ايضاً امراء لكن فى عوالم اخرى
بقلم
محبة للرومانسية
الاشتراك في:
تعليقات الرسالة (Atom)
9 ناس بتحب الصور:
فكرتيني بجملة سمعتها مره من ابن خالتي
قاللي ان باباه علمه إن كل إنسان شايف نفسه ملك لذلك بلاش يحقر من شأن إنسان أثناء تعامله معه
هو كلام جميل طبعا بس المشكله انك تقابلي ناس تحترميهم وتعامليهم معاملة الإسلام وتتواضعي لهم كما كان يفعل الرسول عليه الصلاة والسلام وتفاجئي بانهم لا يستحقوها
بمعنى إنهم يتعاملوا معاكي انتي على إنك أقل منهم مع إن العكس هو الصحيح
وبرضه يحضرني كلمة جميلة لسيدنا علي بن أبي طالب حينما قال:
عجبت لأناس أعطيهم أكثر من قدرهم فيعطوني أقل من قدري
لذلك وعن تجربة ماينفعش تتعاملي مع الكل على إنه أمير
الأمير امير والغفير غفير
لكن طبعا تترفقي بهم وتعامليهم بالحسنى
دمتي سالمة يا إحساس الطفولة
فعلا يا احساس طفلة لازم كل واحد فينا يعمل حساب لمشاعر الشخص اللي امامه لأنه بشر مثله
كلمات جميله و جعلتنى اشعر انى فى حاله احساس جديده اول مره الاحظها
معاكى فى رأ]ك فى ناس مش بتقدر التعامل معاها بالحسنى والمحافظة على مشاعرهم
بس على الاقل مش نتعامل معاملهم بالمثل
لازم نكون ارق خلقا والتزاما بما يرضى ربنا
كل واحد مفروض يتمتع بمشاعرة سواء حزينة او سعيدة ولكن مينفعش يروح يصب غضبة على غيرة او انه ميرعيش مشاعر حزن عند غيرة ويفرح
او يتعامل بتعالى مع حد تانى
العلاقة الانسانية علاقة سامية لازم نحافظ عليها
نورتينى
دمتى بود
بنت مصر
ميقدرش مشاعر الاخرين اكتر من انسان جرب اهمال الاخرين لمشاعرة وعدم مبالتهم بيها
يارب ارزقنا قلبا خلوق يشعر بألم الاخرين ويمد لهم يد العون
حتى بصمتة ان لم يستطع ان يفعل غير هذا
كلامك صح 100% كلنا بشر
مصرى
الاحساس بالعلاقة الانسانية وتقدير مشاعر الاخرين احساس رائع يلهم القلوب الصفاء
شكرا لردك
يبقى انتي متفقة معايا في رأيي يا إحساس الطفولة
والكلام اللي انتي فسرتيه بإسهاب أنا لخصته في جملة واحده في تعليقي وهي:
لكن طبعا تترفقي بهم وتعامليهم بالحسنى
وأشرت في بداية كلامي لمعاملة الإسلام
بالنسبة للغضب ولو إن ده مش مناسب لموضوعك هنا لأنه حاله خاصة من السلوك
كل إنسان بيعبر عن غضبه بطريقته هو لأن مش ممكن كل الناس هيبقوا شبه بعض وهيتصرفوا بنفس رد الفعل
يعني انتي عندك القدرة على كبت غضبك والتحدث بطريقة رقيقة دي طريقتك
أنا بتكلم في الموضوع اللي أغضبني بمنتهى الصراحه طالما أتحدث عن حقائق لكن طبعا لا أتلفظ بألفاظ خارجه أو فيها سب وقذف في الآخرين
بالنسبة للتعالي أعوذ بالله من التكبر والتعالي طبعا
لكن لو بتتكلمي مع شخص ولقيتيه بيحاول ينال منك ويشكك فيكي وفي ممستواكي طبيعي انك بتوضحيله انتي مين وده مش من باب التفاخر ولكن من باب توضيح الأمور وأكيد بتتعاملي معاه من خلال مستواكي ده يعني مش من الصح إنك من أجل التواضع تتعاملي بخلاف حقيقتك
واضح انك لسه صغنتوته خالص ونظرتك للحياة كلها رومانسية ورقة مشاعر مفرطة
تحياتي
مصرية
معاكى انى صغنونة شويتين
مش احساس طفلة :)
انا عارفة انا الناس مش شبها بعضها
واستحالة كل تصرفاتهم تكون واحدة
بس دى نصيحة او حاجة اتعلمتها من الحياة حستها فى الصورة وحبيت اعبر عنها وهى اولا واخيرا منى والى تعبر عن ارائى وتفكيرى
كل واحد يتقبلها برأيه ووجهة نظرة سواء اتفق معايا او خالفنى الرأي قدر يكتم غضبة او لا
قدر يتعامل بالحسنى مع كل الناس ولا كان فية استثنائات
مجرد كلمات تدخل قلب وعقل كل واحد حسب شخصيتة وافكارة
دمتى بود
اولا مدونتك جميله جدا
وفكرتها كمان مختلفة
والبوست دة جميل وعندك حق ياريتنا بنحافظ على مشاعر الناس زى ما بنتمنى ان الناس تحافظ على مشاعرنا
سلام
إرسال تعليق